मुख्य समाचार
एनएसएल अक्सन : लाकेनलाई ९ टोलीकै मूल्य
एनएसएल अक्सन : लाकेनलाई ९ टोलीकै मूल्य

— नेपाल सुपर लिग (एनएसएल) को अक्सनमा ‘ए’ श्रेणीका १० खेलाडीले अधिकतम मूल्य पाएका छन् ।
मंसिरमा हुने एनएसएलको दोस्रो संस्करणका लागि शनिबारको अक्सनमा ‘ए’ श्रेणीमा रहेका २७ मध्ये १० खेलाडीमाथि अधिकतम ३ लाख ५० हजारको भाउ लागेको थियो ।

‘ए’ श्रेणीका खेलाडीको १ लाख ५० हजार बेसप्राइस राखिएकामा बोलकबोलबाट त्यो बढेर अधिकतम भाउमा पुगेको थियो । झापा एफसीले लाकेन लिम्बू, ललितपुर एफसीले सेसेहाङ आङदेम्बे, दिनेश हेन्जन र सनिश श्रेष्ठ, काठमाडौं रेजर्सले दीपेश गुरुङ, वीरगन्ज युनाइटेड एफसीले सीमान्त थापा र सुदीप गुरुङ, एफसी चितवनले छिरिङ गुरुङ, धनगढी एफसीले कृतिशरत्न छुन्जु र स्पोर्टिङ मेची डे इलामले आशिष गुरुङलाई अधिकतम भाउमा लिएका हुन् ।

लाकेनलाई एनएसएलमा प्रतिस्पर्धा गर्न लागेका सबै ९ टोलीले अधिकतम भाउ लगाएपछि उनी गोलाप्रथामा झापा पुगेका थिए । सनिश श्रेष्ठलाई पनि ८ टोलीले अधिकतम भाउ लगाएका थिए । एनएसएल अक्सनमा एउटा टोलीले कम्तीमा १८ लाख र अधिकतम २५ लाख खर्च गरेर मार्कीबाहेक १४ नेपाली खेलाडी लिनुपर्ने थियो । ‘ए’ श्रेणीका सबै ३ खेलाडीमाथि अधिकतम ३ लाख ५० हजार भाउ लगाएको ललितपुरले सबैभन्दा बढी कुल २४ लाख २० हजार खर्च गरेको छ । स्पोर्टिङ मेचीले २० लाख ७० हजार, झापाले २० लाख ५० हजार, काठमाडौंले २० लाख १० हजार खर्च गरेका छन् । त्यस्तै वीरगन्जले १९ लाख ७० हजार, धनगढीले १९ लाख १० हजार, चितवनले १८ लाख २० हजार खर्च गरेका थिए । १८ लाखमुनि रहेका बुटवल लुम्बिनी एफसीले १६ लाख ७० हजार र चितवनले १५ लाख ६० हजारमात्र अक्सनमा खर्च गरेकाले उनीहरूले जरिवाना तिर्नुपर्नेछ ।

अक्सनअघि नै फ्रेन्चाइज टोलीले मार्की खेलाडी लिइसकेका थिए । यसपटकको एनएसएलमा एउटा टोलीले ६ विदेशी खेलाडी राख्न पाउनेछ । त्यसमा ५ जना प्लेइङबाट खेल्न पाउनेछन् । दुई वर्षअघि भएको पहिलो संस्करणमा काठमाडौंले धनगढीलाई पराजित गरी उपाधि जितेको थियो ।

प्रतिक्रिया दिनुहोस्
अन्य समाचारहरु
। मिचेल स्टार्कको ५ विकेट तथा फाफ डुप्लेसको अर्धशतक मद्दतमा दिल्ली क्यापिटल्सले इन्डियन प्रिमियर लिग (आईपीएल) क्रिकेटमा लगातार दोस्रो जित निकालेको छ । आइतबार विशाखापटनममा भएको खेलमा दिल्लीले सनराइजर्स हैदराबादलाई ७ विकेटले हरायो । १६४ रनको लक्ष्य दिल्लीले १६ ओभरमा ३ विकेटको क्षतिमा पूरा गर्‍यो । ओपनर फाफ डुप्लेसीले ५० रन बनाउँदा जेक फ्रेजर मेगर्कले ३८ तथा ...
। अर्जेन्टिनी स्टार लियोनेल मेस्सीले बेन्चबाट आएर उत्कृष्ट गोल गरेपछि मेजर लिग सकर (एमएलएस)मा इन्टर मियामीले जित हासिल गरेको छ । आइतबार विहान भएको खेलमा मियामीले फिलाडेल्फिया युनियनलाई २-१ गोलअन्तरले हराएको हो । वैकल्पिक खेलाडीको रूपमा दोस्रो हाफमा मैदान प्रवेश गरेका मेस्सीले मैदान प्रवेश गरेको दुई मिनेटमै शानदार गोल गरेका थिए । खेलको सुरुवातमै मियामीले अग्रता लिएको ...
: हङकङमा आयोजना हुने चारदेशीय शृंखलाका लागि नेपाल क्रिकेट संघ (क्यान) ले २० खेलाडीलाई बन्द प्रशिक्षणमा बोलाएको छ। क्यानले रोहित पौडेलको कप्तानीमा २० खेलाडीलाई बन्द प्रशिक्षणमा बोलाएको हो। यस संकरण प्रधानमन्त्री कपमा चम्किएका किरण ठगुन्ना, रुपेश सिंह, अर्जुन घर्ती र दिपेन्द्र रावतले पनि प्रशिक्षणमा स्थान बनाएका छन्। शनिबार सम्पन्न भएको प्रधानमन्त्री कपमा राम्रो प्रदर्शन गरेका ...
। केलिएन एमबाप्पेले दुई गोल गरेपछि स्पानिस ला लिगाको दोस्रो स्थानमा रहेको रियल मड्रिडले लेगानेसमाथि ३-२ को कठिन जित हात पारेको छ ।सुरुवाती अग्रता लिएको रियल एक पटक पछि परेपनि फेरि पुनरागमन गरेको थियो । एमबाप्पेले घरेलु मैदानमा ३२औं मिनेटमा पेनाल्टीमा गोल गर्दै रियललाई अग्रता दिलाएका थिए । तर पहिलो हाफमै लेगानेसले दुई गोल फर्कायो । ...
। नेपाल क्रिकेट संघ क्यानले आगामी दुई वर्षका लागि अस्ट्रेलियाका पूर्वखेलाडी तथा प्रशिक्षक स्टुअर्ट ललाई नेपालको पुरुष टिमको प्रशिक्षकमा नियुक्त गरेको छ । गत जनवरीमा यसअघिका प्रशिक्षक मोन्टी देशाईसँगको सम्झौता सकिएको र नवीकरण समेत नभएको अवस्थामा रिक्त रहेको पदमा आवेदनपश्चात् विभिन्न प्रक्रियाहरू पूरा गर्दै स्टुअर्टको इन्ट्री भएको हो । ७० जना आवेदकमध्ये १० जनालाई सर्टलिस्ट गर्दै अन्तिम ...