— नेपाल बास्केटबल लिग (एनबीएल) मा शनिबार रोयल स्पोर्ट्स सेन्ट्रल र त्रिभुवन आर्मी क्लब विजयी भएका छन् ।
त्रिपुरेश्वरस्थित राखेप कभर्डहलमा भइरहेको प्रतियोगिताको दोस्रो दिन रोयल स्पोर्ट्सले गोल्डेनगेट क्लबलाई ८७–७३ स्कोरले पराजित गरेको थियो ।
रोयलको जितमा महत्वपूर्ण भूमिका खेलमा प्रसाङध्वज मास्के मोस्ट भ्यालुएबल प्लेयर भए । अर्को खेलमा त्रिभुवन आर्मीले विशाल मिलन केन्द्रमाथि १०२–८७ स्कोरको जित पाएको थियो । आर्मीका खेलाडी निश्चत महर्जन मोस्ट भ्यालुएबल प्लेयर भए । उनले टोलीलाई जिताउन महत्वपूर्ण स्कोर गरेका थिए । आइतबार हाउन्ड्स एकेडेमी र टाइम्स कलेज तथा बूढानीलकण्ठ बास्केटबल क्लब र कीर्तिपुर बास्केटबल क्लबबीच प्रतिस्पर्धा हुनेछ ।
