— जुड वेलिङघमले गरेको सिजनको सातौं गोलको मद्दतले रियल म्याड्रिडले शनिबार स्पेनी ला लिगामा जिरोनालाई सजिलै ३–० ले हरायो र अंक तालिकाको शीर्ष स्थानमा उक्लिन सफल रह्यो । यो जितपछि रियलको आठ खेलबाट २१ अंक भएको छ । बार्सिलोना समान खेलबाट २० अंकमा दोस्रोमा छ ।
जिरोना भने १९ अंकमा तेस्रो स्थानमा रह्यो । जोसेलुले रियलका लाग पहिलो गोल गरेयता अरेलिन चामेनीले दोस्रो गोल थपे ।
शनिबारका अन्य खेलमा रियल सोसिडाडले एथलेटिको बिलबाओलाई ३–० ले हरायो भने रायाभाल्कानो र रियल मार्लोकाले २–२ को बराबरी खेले । यस्तै गेटाफे र भिल्लारियलबीचको खेल गोलरहित बराबरीमा टुंगियो ।
