— नेपाल राष्ट्र बैंकले करिब १८ अर्ब रुपैयाँ बराबरको ट्रेजरी बिल बिक्रीका लागि बोलकबोल आह्वान गरेको छ । परिपक्व अवधि सकिएका १८ अर्ब ५ करोड रुपैयाँ बराबरका ट्रेजरी बिल पुनः बिक्रीका लागि राष्ट्र बैंकले बोलकबोल आह्वान गरेको हो ।
जसअनुसार ५ अर्ब रुपैयाँको २८ दिने, ७ अर्ब ७५ करोड रुपैयाँको र ५ अर्ब ३० करोड रुपैयाँ बराबरको १ सय ८२ दिने ट्रेजरी बिलका लागि बोलकबोल मागिएको छ । ट्रेजरी बिलका लागि राष्ट्र बैंकले आज (भदौ १५, सामेबार) दिउँसो ३ बजेसम्म बोलकबोल गर्न आग्रह गरेको छ । मंगलबार ट्रेजरी बिल जारी (वितरण) गरिनेछ ।
पछिल्लो पटकको बोलकबोलमा ५.३९ प्रतिशत भारित औसत ब्याजदर तय भएको छ । बैंक तथा वित्तीय संस्थाले सबैभन्दा बढी ५.५९ प्रतिशत र सबैभन्दा कम २.९९ प्रतिशत ब्याजदरमा बोलकबोल गरेका थिए । अहिले राष्ट्र बैंकले यसअघि आन्तरिक ऋण संकलन गरेकोमध्ये परिपक्व अवधि पुगेका ट्रेजरी बिल पुनः बिक्री गरिरहेको छ । सोही क्रममा सरकारले केही ट्रेजरी बिलको पैसा भुक्तानी गरेको छ, भने केहीको पुनः बिक्री गरिएको राष्ट्र बैंकले जनाएको छ ।
