— लिभरपुलले युनियन सेन्ट जिलोसलाई बिहीबार २–० ले पराजित गर्दै युरोपा लिगको नकआउट चरण नजिक पुगेको छ ।
ब्राइटनले भने आफू पछाडि रहेको स्थितिबाट मार्सेलाई २–२ को बराबरीमा रोक्दै युरोपेली फुटबलमा पहिलो अंक बटुलेको छ । यस्तै, वेस्ट ह्यामले फ्रेबर्गलाई २–१ ले हराएर युरोपा लिगमा इंग्लिस क्लबको अपराजित यात्राको नयाँ कीर्तिमान बनाएको छ ।
योर्गन क्लोपले एनफिल्डमा भएको खेलमा बलियो टिम उतारेको थियो र अहिलेको जितपछि टिम समूह ई बाट सिधै अन्तिम १६ मा पुग्ने सम्भावना बलियो बनेको छ । उसका लागि रायन ग्राभेरबेर्चले पहिलो गोल गरे भने डिएगो जोटाले दोस्रो थपे । मार्सेले भने दुई गोलले अगाडि रहेको स्थितिमा पनि ब्राइटनविरुद्ध बराबरीमा चित्त बुझाउनु परेको हो ।
वेस्ट ह्याममा भने युरोपमा आफ्नो अपराजित यात्राको संख्या १७ खेल पुर्याएको छ । बिहीबारका अन्य खेलमा रेन्जर्सले एरिस लिमसोललाई २–१, रियल बेटिसले स्पार्टा प्रागलाई २–१, एटलान्टाले स्पोर्टिङलाई २–१ तथा भिल्लारियलले रेनेसलाई १–० ले पराजित गरेको छ ।
