— ग्लोबल आइएमई बैंकले ग्लोबल 'क्लाइमेट पार्टनरसिप फण्ड' (जीसीपीएफ)बाट २५ मिलियन अमेरिकी डलर ऋण लिने भएको छ । यसका लागि ग्लाेबल आइएमई र जीसीपीएफबीच सम्झौता भइसकेको बैंकले जनाएको छ । ऊर्जा दक्षता प्रर्वद्धन गर्न तथा नविकरणीय ऊर्जा परियोजनाहरूमा वित्तीय सहायता प्रदान गर्न सहयोग पुग्ने बैंकले जनाएको छ ।
जीसीपीएफले जलवायु परिवर्तनसम्बन्धी व्यवस्थापनमा सहयोग पुर्याउने उद्देश्यले नेपालमा पहिलोपटक ग्लोबल आइएमई बैंकलाई ऋण दिएकाे हाे । वातावरण संरक्षणमा यसको महत्वपूर्ण वित्तीय भूमिका रहने भनिएकाे छ ।
नेपालमा जलवायु परिवर्तनबाट पर्ने असर कम गर्न, ऊर्जा क्षेत्रमा प्रभावकारिता एवं दक्षता वृद्धि गर्न तथा नविकरणीय ऊर्जा परियोजनाहरूमा वित्तीय सुविधा उपलब्ध गराउन क्लाइमेट फन्डले महत्वपूर्ण सहयोग पुर्याउने बैंकले जनाएको छ ।
विश्वका २७ विकासोन्मुख तथा उदयीमान राष्ट्रहरूमा जलवायु परिवर्तन तथा दिगो विकासमा केन्द्रित रही वित्तिय लगानी गर्दै आएको जीसीपीएफसँगको सहकार्यले बैंकको कर्जा लगानी क्षमता अभिवृद्धि हुने बैंकका प्रमुख कार्यकारी अधिकृत रत्नराज वज्राचार्यले बताए । ऊर्जा क्षेत्रमा लगानी बढाउन थप सहयोग पुग्ने उनको विश्वास छ ।
