काठमाडौं । नेपाल क्रिकेट संघ क्यानले नेपाल, यूएई र हङकङ सम्मिलित त्रिकोणात्मक टी-२० आई क्रिकेट शृंखला आयोजना गर्ने भएको छ ।
कात्तिक १ गतेदेखि सुरु हुने प्रतियोगिताको फाइनल खेल कात्तिक १० गते हुने छ ।
क्यानले आज बुधबार सार्वजनिक गरेको खेल तालिका अनुसार सहभागी टिमले डबल राउण्ड लिग खेल्ने छन् र शीर्ष २ टिमले फाइनल खेल्ने छन् ।
समूह चरणका खेल मुलापनीमा र फाइनल खेल त्रिवि क्रिकेट मैदान कीर्तिपुरमा हुने क्यानले जनाएको छ ।
नेपालले पहिलो खेल कात्तिक १ गते यूएईसँग खेल्ने छ । यस्तै कात्तिक २ गते नेपाल र हङकङको खेल हुने छ ।
कात्तिक ४ गते फुलपातीका दिन दिन नेपाल हङकङबीचको दोस्रो खेल हुने छ भने कात्तिक ६ गते नवमीका दिन यूएई र नेपालको खेल हुने छ । फाइनल खेल भने १० गते हुने छ ।
