। श्रीलंकामा जारी काभा पुरुष भलिबल च्यालेन्ज कपमा नेपालले दोस्रो जित हात पारेको छ ।
बुधबार भएको खेलमा नेपालले अफगानिस्तानमाथि ३-२ को सेटमा रोमाञ्चक जित निकालेको हो ।
पहिलो सेट नेपालले २५-१९ ले जित्दै अग्रता बनाएको थियो । तर त्यसपछि अफगानिस्तानले पुनरागमन गर्दै दोस्रो सेट २५-१९ र तेस्रो सेट २५-२२ ले जित्दै २-१ को अग्रता बनायो ।
त्यसपछि नेपालले सानदार पुनरागमन गर्यो । चौथो सेट २५-१९ ले जितेर खेल २-२ को बराबरीमा पुर्यायो ।
पाँचौं तथा अन्तिम सेट १५-१० ले आफ्नो पक्षमा पार्दै नेपालले खेल जितेको हो ।
पहिलो खेलमा बंगलादेशलाई हराएर सानदार सुरुवात गरेको नेपाल दोस्रो सेटमा घरेलु टोली श्रीलंकासँग पराजित भएको थियो ।
