: विश्वकप छनोट २०२६ को प्रारम्भिक चरणअन्तर्गत पहिलो खेलमा नेपाल र लाओसले बराबरी खेल्दै अंक बाँडेका छन्।
त्रिपुरेश्वरस्थित दथरथ रङगशलामा भएको खेलमा दुवै टोलीले एक–एक गोलको बराबरी खेल्दै एक–एक अंक बाँडेका हुन्। खेलमा लोओसले पहिलो हाफमा अग्रता लियो।
खेलको ३३औं मिनेटमा लाओसका कप्तान बाउलपछान बोयनकोङले गोल गर्दै लाओसलाई सुरुआती अग्रता दिलाए। उनले चोनी वेनपासेर्थको पासमा नेपाली खेलाडीलाई छक्याउँदै गोल गर्न सफल भए। सुरुमा नेपालका अनन्त तामाङलाई छलाएका उनले तीन नेपाली खेलाडीलाई ‘बिट’ गर्दै सुन्दर गोल गरे।
खेलको ४९औं मिनेटमा नेपालका अन्जन विष्टले बराबरी गोल फर्काए। उनले एरिक विष्टको कर्नरमा हेडर गोल गरेका हुन्।
पहिलो चरणको विश्वकप छनोट दुई लेगको फर्म्याटमा खेलाइएको हो। जसअन्तर्गत नेपाल र लाओसबीचको दोस्रो लेगको खेल यही असोज ३० गते लाओसमा हुनेछ। यस खेलको विजेता विश्वकप छनोटको दोस्रो चरणमा पुग्नेछ।
