दक्षिणी लेबनानमा मिसाइल प्रहारमा समाचार एजेन्सी रोयटर्सका एक भिडियो पत्रकारको मृत्यु भएको छ । इसाम अब्दुल्लाह नामका पत्रकारको मृत्यु भएको हो। साथै अरु ६ जना पत्रकार घाइते भएका छन् ।
रोयटर्स समाचारका अनुसार अल जजिरा, एएफपी र रोयटर्सका पत्रकारहरू इजरायलसँग सीमा जोडिएको लेबनानको दक्षिणी क्षेत्रमा काम गरिरहेका थिए।
हाल इजरायली सीमामा हिजबुल्लाह र इजरायलले एकअर्कालाई आक्रमण गरिरहेका छन्। लेबनानी प्रधानमन्त्री नाजिब मिकाती र हिजबुल्लाहले दुर्घटनाको लागि इजरायललाई दोष दिएका छन्।
इजरायल रक्षा बलले केही प्रतिक्रिया दिएको छैन। त्यहाँका संयुक्त राष्ट्रसंघका राजदूत गिलार्ड एर्डनले भने, 'आफ्नो काम गरिरहेका पत्रकारलाई निशाना बनाउने हाम्रो नियत नभएकोमा कुनै शंका छैन। तर युद्धको अवस्थामा यस्ता दुर्घटनाहरू हुन सक्छन्।'
उनले इजरायलले यस विषयमा छानबिन गर्ने बताए । रोयटर्सले एक विज्ञप्ति जारी गर्दै इसाम अब्दुल्लाह प्रसारणकर्ताहरूलाई लाइभ भिडियो सिग्नल उपलब्ध गराउने क्रममा मारिएका बताएको छ।
उनको क्यामेरा पहाडतर्फ थियो । ठूलो विस्फोटले उनको क्यामेरा हल्लायो। त्यहाँ धुलोको ठूलो बादल देखियो र त्यसपछि चिच्याएको आवाज सुनियो। बीबीसी
