। युरो २०२४ को छनोटअन्तर्गत बिहीबार राति भएको खेलमा स्पेनले स्कटल्याण्डलाई २-० ले पराजित गरेको छ ।
समूह ए मा पहिलो हारपछि स्कटल्याण्डले युरोकपमा स्थान बनाउन अझै कुर्नुपर्ने भएको छ ।
स्कटल्याण्डलाई युरोकपमा स्थान बनाउन बराबरी नै पर्याप्त थियो तर स्पेनको स्टाडियो डे ला कार्टुजामा भएको खेलमा स्कटल्याण्ड पराजित भयो । स्पेनका लागि अल्भारो मोराटाले ७३औं र ओइहान सान्चेजले ८६औं मिनेटमा गोल गरे ।
जितपछि स्पेन ५ खेलबाट १२ अंक जोडेर दोस्रो स्थानमा छ । हारका बावुजत पनि स्कटल्याण्ड ६ खेलबाट १५ अंकसहित शीर्ष स्थानमै छ ।
यसै समूहको अर्को खेलमा एर्लिङ हालान्डको दुई गोल मद्दतमा नर्वेले साइप्रसलाई ४-० ले हराएको छ । नर्वेको ६ खेलबाट १० अंक छ र तेस्रो स्थानमा छ ।
छनोट अन्तर्गत समूह डी को खेलमा टर्कीले क्रोएसियालाई १-० ले पराजित गर्यो । टर्की ६ खेलबाट १३ अंकसहित शीर्ष स्थानमा छ । क्रोएसिया ५ खेलबाट १० अंकसहित दोस्रोमा छ ।
समूह ई को खेलमा अल्वानियाले चेक रिपब्लिकलाई ३-० ले तथा पोल्याण्ड फारो आइल्याण्डलाई २-० ले हरायो ।
अल्वानिया ६ खेलबाट १३ अंकसहित शीर्ष स्थानमा छ भने पोल्याण्ड समान खेलबाट ९ अंकसहित दोस्रो छ । ५ खेलबाट ८ अंक रहेको चेक तेस्रो स्थानमा छ ।
