: आइसीसी एक दिवसी विश्वकप क्रिकेटमा अष्ट्रेलियालाई पहिलो जित हात परेको छ। भारतको लखनउमा सोमबार भएको खेलमा अष्ट्रेलियाले श्रीलंकालाई पाँच विकेटले पराजित गरेको हो।
श्रीलंकाले दिएको २१० रनको लक्ष्य अष्ट्रेलियाले ३५.२ ओभरमा ५ विकेटको क्षतिमा पूरा गरेको हो। अष्ट्रेलियाका लागि माइकल मार्स र जोश इग्लिसले अर्धशतक प्रहार गरे। माइकलले ५२ रन बनाउँदा जोशले ५८ रन बनाएका थिए।
यसअघि टस जितेर ब्याटिङ गरेको श्रीलंकाले ४३.३ ओभरमा अलआउट हुँदै २०९ रन बनाएको थियो। श्रीलंकाका लागि कुशल परेराले सर्वाधिक ७८ रन बनाए। त्यस्तै पथुम निशांकाले ८१ रन बनाउँदा चरिथ अशलंकाले २५ रन बनाए। बाँकी खेलाडीले दोहोरो अंकको रन बनाउन सकेनन्।
यसअघि अष्ट्रेलिया भारत र दक्षिण अफ्रिकासँग पराजित भएको थियो। श्रीलंका भने तीनवटै खेलमा पराजित भएको छ। यसअघि श्रीलंका पाकिस्तान र दक्षिण अफ्रिकासँग पराजित भएको थियो।
