: हमास आक्रमणमा ज्यान गुमाएका चार जना नेपालीको शव पर्सी आइतबार नेपाल ल्याइने भएको छ। इजरायलको तेल अविवस्थित नेपाली दूतावासले कानुनी प्रक्रिया पूरा भएका चार जना नेपाली विद्यार्थीको शव शनिबार फ्लाई दुबईबाट नेपाल पठाउन लगिएको जानकारी दिएको छ।
इजरायलबाट फ्लाई दुबईको विमान १:२५ मा उडान भर्ने दुबई ट्रान्जिट हुँदै चार जना नेपालीको शव आइतबार विहान काठमाडौं पुग्ने दूतावासले जनाएको छ। अन्य शव पहिचानको क्रममा रहेकाले पहिचानपश्चातमात्रै शवहरू नेपाल पठाइने दूतावासद्वारा जारी विज्ञप्तिमा उल्लेख छ।
त्यस्तै बेपत्ता रहेका विपिन जोशीको उपलब्ध सम्पूर्ण संयन्त्र प्रयोग गरी खोजीकार्य जारी राखेको दूतावासले जनाएको छ।
