: हमास आक्रमणमा इजरायलमा ज्यान गुमाएका ३ जनाको नेपालीको शव काठमाडौं ल्याइएको छ। आज बिहान ८:३० मा त्रिभुवन अन्तर्राष्ट्रिय विमानस्थलमा शव आइपुगेको हो। शव लिन विमानस्थलमा परराष्ट्रमन्त्री एनपी साउद र नेपालका लागि इजरायली राजदूत गएका थिए।
शव नेपाली सेनाको ब्यारेकमा लगिएको र परराष्ट्र मन्त्री पनि नेपाली सेनाको ब्यारेकमा पुगेका छन् । अर्का एक जनाको शव दिउँसो १ बजे ल्याइने जनाइएको छ।
इजरायलको तेल अविवस्थित नेपाली दूतावासले कानुनी प्रक्रिया पूरा भएका चार जना नेपाली विद्यार्थीको शव शनिबार फ्लाई दुबईबाट नेपाल पठाइएको हो।
नारायण न्यौपाने, लोकेन्द्रसिंह धामी, दीपेशराज विष्ट र आशिष चौधरीको शव कानुनी प्रक्रिया पूरा नेपाल ल्याइएको हो।
अन्य शव पहिचानको क्रममा रहेकाले पहिचानपश्चातमात्रै शवहरू नेपाल पठाइने जनाइएको छ। त्यस्तै बेपत्ता रहेका विपिन जोशीको उपलब्ध सम्पूर्ण संयन्त्र प्रयोग गरी खोजीकार्य जारी राखेको दूतावासले जनाएको छ।
nullहमास आक्रमणमा परी 'लर्न एन्ड अर्न' कार्यक्रममार्फत् इजरायल गएका दस जनाको मृत्यु भएको थियो। मृत्यु हुनेमा कैलालीका नारायणप्रसाद न्यौपाने, आशिष चौधरी, बझाङका गणेशकुमार नेपाली, दार्चुलाका दीपेशराज विष्ट, लोकेन्द्र सिंह धामी, धनुषाका आनन्द शाह, सुनसरीका राजेशकुमार स्वरंकार, डोटीका राजन फुलारा, पदम थापा र सल्यानका प्रवेश भण्डारी छन्।
शवहरु सोमबार नेपाली सेनाको हेलिकोप्टरमार्फत कैलाली सदरमुकाम धनगढी लैजाने तयारी रहेको जनाइएको छ।
