मुख्य समाचार
मेटाविरुद्ध अमेरिकी राज्यहरुको संयुक्त मुद्दा, बालबालिकालाई इन्स्टाग्राम र फेसबुक चलाउने कुलत लगाएको आरोप
मेटाविरुद्ध अमेरिकी राज्यहरुको संयुक्त मुद्दा, बालबालिकालाई इन्स्टाग्राम र फेसबुक चलाउने कुलत लगाएको आरोप

— मेटालाई मंगलबार अमेरिकाका तीन दर्जन बढी राज्यहरूले इन्स्टाग्राम र फेसबुकका सुविधाहरू प्रयोग गरेर बच्चाहरूलाई आफ्नो प्लेटफर्ममा जोडिन आकर्षित गरेर कुलत लगाएको आरोप लगाउँदै मुद्दा दायर गरेका छन् । आफ्नो सामाजिक सञ्जाल बालबालिकाका लागि सुरक्षित भएको झुटा दाबी गरेको आरोप उनीहरुले मेटामाथि लगाएका छन् ।

कोलोराडो र क्यालिफोर्निया लगायतका ३३ राज्यले क्यालिफोर्नियाको उत्तरीजिल्लाको लागि संयुक्त राज्य अमेरिकाको जिल्ला अदालतमा संयुक्त मुद्दा दायर गरेका हुन् । फेसबुक, इन्स्टाग्राम, व्हाट्सएप र मेसेन्जरको स्वामित्व रहेको मेटाले उपभोक्ता संरक्षण कानूनको उल्लङ्घन गरी बालबालिकालाई गलत रूपमा फसाएर र प्रयोगकर्ताहरूलाई सुरक्षाको बारेमा धोका दिएको दाबी मुद्दामा गरिएको छ । डिस्ट्रिक्ट अफ कोलम्बियार अन्य आठ राज्यहरूले मंगलबार नै मेटा विरुद्ध उस्तै दाबीहरूका साथ छुट्टै मुद्दा दायर गरेका छन् ।

राज्यहरूले दायर गरेको मुद्दामा मेटाको इन्स्टाग्राम जस्ता प्लेटफर्महरूले सुविधा र डिजाइनहरू हेरफेर गर्दै युवा प्रयोगकर्ताहरूलाई मनोवैज्ञानिक रुपमा चलाउन बाध्यकारी बनाउँदै कुलतमा फसाएको दाबी गरेका छन् । कम्पनीका एल्गोरिदमहरू बालबालिका र किशोरकिशोरीहरूलाई विषाक्त र हानिकारक सामग्रीको दुष्चक्रमा धकेल्न डिजाइन गरिएको पनि बताएका छन् । उनीहरुका अनुसार असीमित स्क्रोल र निरन्तर प्राप्त भइरहने अलर्टले युवा प्रयोगकर्ताहरूलाई आफूसँग जोडिरहन बाध्य बनाएको देखिन्छ ।महान्यायाधिवक्ताहरूले मेटालाई संघीय बालबालिकाको अनलाइन गोपनीयता कानूनको उल्लङ्घन गरेको आरोप पनि लगाए, उनीहरूका आमाबाबुको अनुमति बिना बालबालिकाहरूको व्यक्तिगत डेटा गैरकानूनी रूपमा संकलन गरेको आरोप पनि लगाएका छन् ।



'मेटाले युवा र किशोरकिशोरीहरूलाई प्रलोभनमा पार्न, संलग्न गराउन र अन्ततः फन्दामा पार्न शक्तिशाली र अभूतपूर्व प्रविधिहरू प्रयोग गरेको छ,' राज्यहरूले आफ्नो २३३ पृष्ठ लामो मुद्दामा भनेका छन्, 'यसको उद्देश्य नाफा कमाउनु हो ।'

मेटाले आफ्ना एपहरूमा किशोरकिशोरीहरूलाई सुरक्षित वातावरण उपलब्ध गराउन काम गरिरहेको र किशोरकिशोरी र परिवारहरूलाई सहयोग गर्न ३० भन्दा बढी उपकरणहरू ल्याएको बताएको छ।

"हामी निराश छौं कि यस प्रकार किशोरकिशोरीहरूले प्रयोग गर्ने एपहरू उत्पादन गर्ने कम्पनीसँग मिलेर काम गरेर स्पष्ट, उमेर-उपयुक्त मापदण्डहरू सिर्जना गर्न महान्यायाधिवक्ताले यो बाटो रोजेकोमा दुखित छौं,' मेटाले एक विज्ञप्तिमा भनेको छ ।

प्रतिक्रिया दिनुहोस्
अन्य समाचारहरु
— आर्टिफिसियल इन्टेलिजेन्स (एआई) प्रविधिको जिम्मेवार प्रयोगलाई प्रोत्साहन गर्न भन्दै सरकारले एआईसम्बन्धी नीतिको मस्यौदा तयार पारेको छ । मस्यौदामा एआई नियमन र प्रवर्द्धनका लागि नियमन परिषद्, राष्ट्रिय एआई केन्द्र, एआई एक्सिलेन्सी सेन्टर, एआई इन्क्युबेसन हब, प्रदेश र स्थानीय तहमा एआईसम्बन्धी समन्वय र सहकार्य गर्ने संयन्त्रजस्ता नयाँ संस्थागत संरचना स्थापना गर्ने महत्त्वाकांक्षी योजना समावेश गरिएको छ । सञ्चार ...
: सञ्चार तथा सूचना प्रविधि मन्त्री पृथ्वीसुब्बा गुरुङले कुनैपनि सामाजिक सञ्जालहरू सरकारमा दर्ता नभए प्रतिबन्ध गर्ने चेतावनी दिएका छन्। उनले अहिले नेपालमा दर्ता भएर सञ्चालनमा टिकटक मात्रै रहेको सञ्चालन भएकाले मेटा(फेसबुक), इन्स्टाग्राम, ह्वाट्सएपलगायत अन्य सामाजिक सञ्जाललाई पनि दर्ताका लागि सार्वजनिक आह्वान गरिएको बताएका हुन्। ‘अहिले हामीसँग दर्ता भएको टिकटक मात्रै हो। हामीसँग पोइन्टअफ कन्ट्याक तोकेर ...
— सरकारी स्वामित्वको नेपाल टेलिकमले १८०० मेगाहर्ज ब्याण्डमा सञ्चालन भइरहेको टु जी सेवा बन्द गर्ने घोषणा गरेको छ । कम्पनीले यसै आर्थिक वर्षभित्रमा टु जी सेवा बन्द गर्ने योजना रहेको जानकारी दिएको हो । मंगलबार टेलिकमको २१ औँ वार्षिकोत्सवका अवसरका आयोजित कार्यक्रममा कम्पनीकी प्रबन्ध निर्देशक संगीता पहाडीले टु जी सेवा बन्द गर्नेबारे जानकारी दिएकी थिइन् । ...
— नेपाल टेलिकमले मंगलबार आफ्नो २१औँ वार्षिकोत्सवका अवसरमा ‘भीओवाइफाई’ सेवाको व्यावसायिक सञ्चालन सुरु गरेको छ । सञ्चार तथा सूचना प्रविधिमन्त्री पृथ्वीसुब्बा गुरुङले यो सेवाको औपचारिक उद्घाटन गरेसँगै सेवा सञ्चालनमा आएको हो । भ्वाइस ओभर वाइफाई वा ‘भीओवाईफाई’ मार्फत वाइफाई नेटवर्कबाटै भ्वाइस तथा एसएमएस सेवा प्रयोग गर्न सकिने टेलिकमकी प्रबन्ध निर्देशक संगीत पहाडीले जानकारी दिइन् । उनका ...
। नेपाल टेलिकमका २०१ जना कर्मचारीहरुले दीर्घ सेवा पदक पाएका छन् । २१ औं वार्षिकोत्सवका अवसरमा टेलिकमले दीर्घ सेवा पदक वितरण गरेको हो । ५ ग्राम सुन र २ तोला चाँदी मिश्रित पदक पाउनेहरुमा प्रबन्धकदेखि कार्यालय सहयोगीसम्मका पदमा कार्यरत कर्मचारीहरु छन् । उनीहरुलाई एक महिना बराबरको तलब समेत थपेर दिइएको छ । नेपाल टेलिकमका सहप्रवक्ता नवीन कुमार ...