मुख्य समाचार
राष्ट्रसंघका महासचिव भन्छन्- गाजामा अन्तर्राष्ट्रिय कानुनको उल्लंघन भयो
राष्ट्रसंघका महासचिव भन्छन्- गाजामा अन्तर्राष्ट्रिय कानुनको उल्लंघन भयो

— संयुक्त राष्ट्रसंघका महासचिव एन्टोनियो गुटेरेसले गाजा क्षेत्रमा बिना सर्त दुवै पक्षले तत्काल युद्धविरामको घोषणा गर्नुपर्ने बताएका छन् । उनले इजरायली सेना र प्यालेस्टाइनको हमास समूह बिच चर्किएको द्वन्द्वले अन्तर्राष्ट्रिय कानुनको उल्लंघन भएको पनि बताएका छन् ।


हमासले अक्टोबर ७ का दिन दक्षिणी इजरायलमाथि अप्रत्यासित आक्रमण गरेर १४ सय नागरिकको ज्यान लिएसँगै इजरायलले विशेष गरेर गाजा क्षेत्रमा आफ्नो जल, थल र वायु सेनाको प्रयोग गरेर निरन्तर आक्रमण गरिएको छ । इजरायलको आक्रमणका कारण हजारौं प्यालेस्टाइन नागरिकको ज्यान जानुका साथै लाखौं घरबार विहिन भएका छन् ।
१५ सदस्यीय राष्ट्र संघको सुरक्षा परिषद्‍लाई सम्बोधन गर्दै गुटेरेसले निर्दोष सर्वसाधारणहरूको अधिकारलाई दुवै पक्षले कुण्ठित पार्न नहुने र यसले द्वन्द्वलाई चर्काउन मात्रै मद्दत पुग्नेमा सचेत रहन समेत आग्रह गरेका थिए । 'हमासले गरेको हमला शून्यतामा भएको होइन भनेर पनि बुझ्न जरुरी छ । प्यालेस्टिनी जनता ५६ वर्षदेखि दमनकारी कब्जामा परेका छन्,' उनले भने ,'तर प्यालेस्टिनी जनताको गुनासोलाई हमासको डरलाग्दो आक्रमणलाई न्यायोचित ठहराउन सक्दैन । र त्यो डरलाग्दो आक्रमणहरूका कारण प्यालेस्टिनी जनता सामूहिक दण्डको भागी हुन सक्दैनन् ।'

इजरायलको नाम नलिइ आलोचना गर्दै गुटेरेसले भने, 'नागरिकहरूको सुरक्षा गर्नु भनेको दश लाखभन्दा बढी मानिसहरूलाई आश्रय, खाना, पानी, औषधि र इन्धन नै नभएको दक्षिणतिर लखेट्नु होइन । र, त्यहाँ पनि आक्रमण र बम विष्फोट गर्न जारी छ ।'

इजरायली अधिकारीहरूले महासचिव गुटेरेसको सम्बोधन प्रति आपत्ति जनाउँदै उनले राजिनामा दिनुपर्ने बताएका छन् । इजरायली विदेश मन्त्रालयका प्रवक्ता लिअर हयातले बीबीसीसँग कुराकानी गर्दै महासचिव गुटेरेसले मंगलबार दिएको भाषणलाई 'अपमानजनक' भनेर टिप्पणीसमेत गरेका छन् ।

हयातका अनुसार गुटेरेसको भनाइले आतंकवादलाई बढावा दिएको छ ।

प्रतिक्रिया दिनुहोस्
अन्य समाचारहरु
चिनियाँ कम्युनिस्ट पार्टी (सीपीसी) को २० औं राष्ट्रिय महाधिवेशनको भावनाको पूर्ण कार्यान्वयनको थालनी र कोभिड–१९ महामारी नियन्त्रणपछि आर्थिक पुनरुत्थान र विकास वर्षका रूपमा सन् २०२३ सुरु भएको थियो । एक वर्षयता चीनको अर्थतन्त्रले दबाबको सामना गर्दै आधुनिक समाजवादी देश निर्माणमा ठोस कदम चालेको छ । चीनको उच्च गुणस्तरीय विकासले विश्व अर्थतन्त्रको पुनरुत्थानमा थप जोस दिएको छ भने विश्वासको ...
— पाकिस्तान मुस्लिम लिग–नवाज पार्टीकी वरिष्ठ उपाध्यक्ष मरियम नवाज शरीफ सोमबार पाकिस्तानको पूर्वी पञ्जाब प्रान्तको पहिलो महिला मुख्यमन्त्रीमा निर्वाचित भएकी छिन् । पूर्वप्रधानमन्त्री नवाज शरीफकी छोरी मरियमले सुन्नी इत्तेहाद काउन्सिलका उम्मेदवार अफताब अहमद खानलाई पराजित गर्दै मुख्यमन्त्रीमा निर्वाचित भएकी हुन् । उनले २२० मत प्राप्त गरिन् । आरक्षित सिट सम्बन्धी केही विषयमा छलफल गर्न नदिएपछि ...
— प्यालेस्टाइनका प्रधानमन्त्री मोहम्मद श्तायेहले सोमवार राष्ट्रपति महमुद अब्बाससमक्ष आफ्नो सरकारको राजीनामा बुझाएको बताएका छन् । उनले फेब्रुअरी २०, २०२४ मा राष्ट्रपति मोहम्मद अब्बासलाई सरकारको राजीनामा बुझाएको बताएका हुन् । सोमबार लिखित रूपमै राजीनामा बुझाएको उनको भनाइ छ । यो निर्णय गाजापट्टीमा प्यालेस्टिनी जनताविरुद्धको आक्रमणसँग सम्बन्धित राजनीतिक, सुरक्षा र आर्थिक घटनाक्रमसँग सम्बन्धित रहेको उनले बताए ...
— पाकिस्तानी व्यवसायीलाई नेपालमा मार्चमा हुने नेपाल चेम्बर एक्स्पो र अप्रिलमा हुने लगानी सम्मेलनमा सहभागि हुनको लागि निम्तो दिइएको छ । पाकिस्तानका लागि नेपाली राजदूत तापस अधिकारीले शनिबार इस्लामावादस्थित सियालकोट चेम्बर अफ कमर्स एन्ड इन्डस्ट्रीमा पुगेर व्यवसायीसँग भेटवार्ता गर्दै नेपालमा हुने दुई कार्यक्रमहरुमा सहभागिता जनाउनको लागि आग्रह गरेका हुन् । साथै, उक्त अवशरमा राजदूत अधिकारीले व्यवासयीहरुसँग ...
युक्रेनी राष्ट्रपति भ्लादिमिर जेलेन्स्कीले आफ्नो देशले रुसविरुद्धको युद्ध जित्ने बताएका छन् । उनले रुससँगको युद्ध भएको दुई वर्ष भइसक्यो तर आफ्नो देशले जित्ने बताए । राजधानी किभमा जनतालाई सम्बोधन गर्दै उनले भने, 'हामी कसैलाई युक्रेनलाई ध्वस्त हुन दिनेछैनौं।' उनले जनतालाई सम्बोधन गर्दा उनीसँगै केही पश्चिमी देशका नेताहरु पनि थिए । जेलेन्स्कीले युक्रेन र युक्रेनका सहयोगीहरूले क्रिमियामा युक्रेनको कब्जालाई ...