— युरोपेली च्याम्पियन्स लिगको मंगलबार राति भएका समूह चरणका खेलमा सबै ठूला टिम विजयी भएका छन् । समूह ‘ए’ मा आफ्नो शतप्रतिशत प्रदर्शन कायम राख्ने क्रममा बायर्न म्युनिखले गालातासारेलाई ३–१ ले हरायो । त्यसमा इंग्लिस कप्तान ह्यारी केनले एक गोल गरे र अर्को गोलमा सहयोगी भूमिका निभाए ।
समूहको अर्को खेलमा म्यानचेस्टर युनाइटेडले एफसी कोपनहेगनलाई १–० ले पराजित गर्यो । समूह ‘बी’ मा अर्को इंग्लिस प्रिमियर लिग क्लब आर्सनलले सेभियामाथि २–१ को जित रच्यो भने लेन्स र पीएसजी आयनहोभनले १–१ को बारबरी खेले । समूह ‘सी’ मा कीर्तिमान विजेता रियल म्याड्रिड स्पोर्टिङ ब्रागमाथि २–१ ले विजयी रह्यो ।
इटालीको च्याम्पियन नेपोलीले पनि समूहको अर्को खेलमा युनियन बर्लिनमाथि १–० को जित दर्ता गर्यो । रियलको जितमा फेरि एकपल्ट जुड वेलिङघमले गोल गरे । यस्तै समूह ‘डी’ मा रियल सोसिडाडले बेनफिकालाई १–० र इन्टर मिलानले आरबी साल्सबर्गलाई १–० कै अन्तरले पराजित गर्यो ।
