— डेजान क्लुसेभ्स्कीले ९०औं मिनेटमा हेडबाट गरेको गोलमा टोटनहमले इंग्लिस प्रिमियर लिगमा आइतबार म्यानचेस्टर सिटीलाई ३–३ को रोमाञ्चक बराबरीमा रोकेको छ ।
ज्याक ग्रेलिसले ८१ औं मिनेटमा गोल गर्दा सिटीलाई आफ्नो घरेलु मैदानमा जितको अपेक्षा थियो ।
यो नतिजापछि सिटी १४ खेलबाट ३० अंकमै सीमित रह्यो र तेस्रो स्थानमा रह्यो । उसको अगाडि शीर्षमा आर्सनलको ३३ र लिभरपुलको ३१ अंक रहेको छ । लिभरपुलले अर्को खेलमा फुलहमलाई ४–३ ले हराएको थियो ।
यस्तै चेल्सीले ब्राइटनलाई ३–२ ले परजित गर्यो । बर्नमाउथ र एस्टन भिल्लाले २–२ तथा वेस्ट ह्याम र क्रिस्टल प्यालेसले १–१ को बराबरी खेले ।
