— रियल म्याड्रिडले स्पेनी ला लिगामा ग्रेनेडालाई सजिलै २–० ले हराएर लिग तालिकाको शीर्ष स्थानमा उक्लेको छ । उसका लागि ब्राहिम डियाज र रोडरिगोले एक एक गोल गरे ।
यो जितपछि रियलको १५ खेलबाट ३८ अंक भएको छ । जिरोना समान अंकमा दोस्रो स्थानमा छ । जिरोनाले त्यस अगाडि भ्यालेन्सियालाई २–१ ले हराएको थियो ।
अर्को खेलमा एथलेटिको बिलबाओले रियल भालाकेनोलाई ४–० ले हरायो । यस्तै ओसासुनाले रियल सोसिडाडसँग १–१ को बराबरी खेल्यो ।
