। प्रिमियर लिगमा दोस्रो स्थानको लिभरपुलले गएराति शेफिल्ड युनाइटेडलाई २-० ले पराजित गरेको छ । यो जितपछि लिभरपुलले लिग लिडर आर्सनलसँग अंक दुरी २ मा झारेको छ ।
शेफिल्ड युनाइटेडको मैदानमा भएको खेलमा कप्तान भर्जिल भान डाइकले ३७औं मिनेटमा गोल गर्दै लिभरपुललाई अग्रता दिलाएका थिए ।
दोस्रो गोल भने इन्जुरी टाइमको चौथो मिनेटमा डोमिनिक सोबोजलाईले गरे ।
जितपछि १५ खेलबाट लिभरपुलले ३४ अंक जोडेको छ र शीर्ष स्थानको आर्सनलसँग अंक दुरी २ मा झारेको छ । समान खेलबाट ३६ अंकसहित आर्सनल शीर्ष स्थानमा छ ।
१५ खेलमा जम्मा एक खेल जितेको शेफिल्ड युनाइटेड भने ५ अंकसहित पुछारमा छ ।
