। हलिउड अभिनेत्री एन्जेलिना जोलीको पछिल्लो अन्तर्वार्ताले सानोतिनो तरंग ल्याएको छ । वाल स्ट्रिट म्यागजिनसँगको कुराकानीमा अभिनेत्रीले ब्राड पिटसँगको सम्बन्ध विच्छेद र हलिउड छाड्ने तयारीबारे बताएकी छन् ।
यदि सन् २०२३ बाट अभिनय करिअर थाल्ने तयारी गरिरहेको थिइन् भने सम्भवतः उनले अभिनय करिअर नथाल्ने बताएकी छन् । उनले रंगमंचमा अभिनय गर्नेबारे विचार गरिरहेकी छिन् । पक्कै पनि हलिउडमा जीवन र करिअरलाई अघि बढाउने होइन ।
‘यदि मैले २०२३ बाट करिअर थाल्दै थिएँ भने म म आज अभिनेत्री बन्ने थिइन’ ओस्कर विजेता अभिनेत्रीले भनिन् ।
दुई दशकभन्दा बढी समयदेखि सार्वजनिक चासोमा रहेकी जोली सात वर्षअघि ब्राड पिटसँग सम्बन्धविच्छेद गरेपछि अझ बढी मिडियाको निशानामा परेको देखिन्छ । यो क्रममा उनलाई यति तनाव भयो कि सन् २०१८ मा डिज्नीको सिक्वेल ‘मलफिसिएन्ट : मिस्ट्रेस अफ एभिल’ छायांकनको बेला उनको आवाजमा परिवर्तन देखियो जुन फिल्ममा उनले एक परी खलनायिकाको भूमिका निर्वाह गरेकी थिइन् ।
‘मेरो शरीरले तनावमा धेरै कडा प्रतिक्रिया दिन्छ’ जोलीले भनिन्, ‘मेरो रगतमा चिनीको मात्रा माथि र तल जान्छ । सम्बन्धविच्छेदको ६ महिना अघि अचानक मलाई पक्षाघात भयो ।’
जोलीले पछिल्लो समय लस-एन्जलसमा बस्ने सामाजिक वातावरण नभएको बताइन् । किनभने, उनी बाहिर निस्कँदा पनि अनावश्यक चासो दिइने गरिएको छ । तर, आफ्नोबारे मिडियामा लेखिएका कुरामा उनले त्यति चासो लिँदिनन् ।
जोलीले द वाल स्ट्रिट जर्नल म्यागजिनसँगको आफ्नो अन्तर्वार्तामा अन्ततः लस–एन्जलस छाड्ने र कम्बोडियामा आफ्नो घरमा धेरै समय बिताउने योजना बनाएको बताइन् ।
‘यो मेरो सम्बन्धविच्छेद पछि के भयो भन्ने कुरा हो । मैले स्वतन्त्र रूपमा बाँच्न र यात्रा गर्ने क्षमता गुमाए । जब म सक्छु म सर्छु’, जोलीले भनिन्, ‘म एकदमै समथर ठाउँमा हुर्कें । संसारका सबै ठाउँहरुभन्दा, हलिउड स्वस्थ ठाउँ होइन । त्यसैले तिमी आधिकारिकता खोज्छौ ।’ु
जोलीले सेप्टेम्बरमा भोग म्यागजिनलाई आफूले कमभन्दा कम फिल्म गर्न लागेको बताएकी थिइन् । ‘सात वर्ष पहिले मैले लामो छायांकनको आवश्यकता नपर्ने काम मात्र लिएँ । किन ? धेरै कुरालाई निको तुल्याउनु थियो । अझै पनि हामीले आफूले टेक्ने धरातल खोजिरहेका छौं ।’
ओस्कार विजेताले आफ्नो विशेष समयको किटान त गरिनन् तर, फिल्म नगर्ने उनको सोच र उनको डिभोर्सको समयबीच मेल खान्छ । उनले सात वर्षअघि सेप्टेम्बर २०१६ मा अभिनेता ब्राड पिटसँग विमानमा भएको भनिएको झगडापछि सम्बन्धविच्छेदको लागि निवेदन दिएकी थिइन् ।
जोलीले पछिल्ला दिनमा आफूले कमजोर महसुस गरिरहेको बताएकी छन् । भन्छिन्- मलाई लाग्दैन कि म एक दशकको लागि, एक तरिकामा आफैं भएको छु । जसमा म प्रवेश गर्न चाहन्न ।’
सन् २०१४ मा डिज्नीको सफल श्रृंखला ‘मलेफिसेन्ट’मा काम गरेपछि र सन् २०१५ मा फ्लप ‘बाय द सि’मा पिटसँग काम गरेपछि जोलीको फिल्म यात्राले करिब विश्राम लियो । उनीसँग आठ वर्षयता दुईवटा मात्र मुख्य भूमिका छन्– सन् २०१९ को ‘मलेफिसेन्टः मिस्ट्रेस अफ एभिल’ र सन् २०२१ को ‘दज हु विश मी डेड ।’
वाल स्ट्रिट म्यागजिनले ‘एन्जेलिना जोलीले आफ्नो जीवनलाई पुननिर्माण गर्दैछिन्’ भन्ने हेडलाइनसहित अन्तर्वार्ता प्रकाशन गरेको छ ।
