— एभर्टनले खेलको अन्तिम ११ मिनेटमा तीन गोल गर्दै इंग्लिस प्रिमियर लिगमा बिहीबार न्युकासल युनाइटेडलाई ३–० ले हराएको छ । गुडसन पार्कमा प्राप्त यस जितसँगै एभरटनले रेलिगेसन क्षेत्र पनि छाडेको छ ।
आर्थिक आचारसंहित उल्लंघन गरेको आरोपमा १० अंक काटेयता एभर्टनले पहिलो पटक अन्तिम तीन स्थान छाडेको हो । न्युकासल भने २६ अंकमा सातौं स्थानमा छ । एभर्टन १० अंकमा १७ औं स्थानमा रह्यो ।
यस जितमा ड्वायट म्याकनिल, एबडोलये डोकोर र बेटोले एक एक गोल गरे । अर्को खेलमा वेस्ट ह्यामले टोटनहमलाई उसकै घरमा २–१ ले हरायो । हारले टोटनहम २७ अंकमा पाँचौं स्थानमा रह्यो भने वेस्ट ह्याम २४ अंकमा नवौं स्थानमा छ ।
