— एस्टन भिल्लाले डिफेन्डिङ च्याम्पियन म्यानचेस्टर सिटीलाई बुधबार इंग्लिस प्रिमियर लिगमा १–० हराउँदै आफ्नो घरेलु मैदानमा उत्कृष्ट लय कायम राखेको छ । लिभरपुलले भने सेफिल्ड युनाइटेडलाई २–० ले पराजित गर्दै शीर्षमा रहेको आर्सनलसँगको दूरी दुई अंकमा छोट्याएको छ ।
अन्य खेलमा स्टक म्याक टोमानीको दुई गोलको मदतले म्यानचेस्टर युनाइटेडलाई चेल्सीलाई २–१ ले हरायो । फुलहम भने नटिङघम फरेस्टमाथि ५–० को जित निकाल्न सफल रह्यो । भिल्ला पार्कमा लगातार १४ जित दर्ता गर्ने क्रममा लियाने बेलीले एक मात्र गोल गरे ।
यो जितपछि उनाइ एमरीको टिम तेस्रो स्थानमा उक्लेको छ । पेप ग्वार्डिओलाको सिटीले पछिल्लो समय लय गुमाएको छ र लिगका पछिल्ला चार खेलमा जितहीन छ । हारले सिटी र आर्सनलबीचको दूरी पनि ६ अंक भएको छ ।
लिभरपुलको जितमा भने भर्जिल भान डाइकले पहिलो गोल भने डोनिनिक सोबस्लाईले अर्को गोल थपे । यस्तै ब्राइटनले ब्रेन्टफोर्डलाई २–१ र बर्नमाउथले क्रिस्टल प्यालेसलाई २–० हरायो ।
