। स्पानिस ला लिगाको शीर्ष स्थानमा रहेको रियल मड्रिड रियल बेटिससँग १-१ को बराबरीमा रोकिएको छ ।
शनिवार राति भएको खेलमा रियलले अग्रता जोगाउन नसक्दा अंक बाँड्नुपरेको हो ।
बेटिसको मैदानमा भएको खेलको पहिलो हाफ गोलरहित बराबरीमा सकिएको थियो । त्यसपछि ५३औं मिनेटमा जुड बेलिङघमले गोल गर्दै रियललाई अग्रता दिलाएका थिए । तर ६६औं मिनेटमा अइटोर रुइबलले बेटिसका लागि बराबरी गोल गरे । त्यसपछि थप गोल नहुँदा खेल बराबरीमा सकियो ।
बराबरीपछि रियल १६ खेलबाट ३९ अंकसहित शीर्ष स्थानमा छ । तर रियलले जिरोनामाथि जम्मा एक अंकको मात्र अग्रता बनाएको छ ।
जिरोनाले आइतबार तेस्रो स्थानको बार्सिलोनासँग प्रतिस्पर्धा गर्दैछ । यस खेल जितेमा जिरोना शीर्ष स्थानमा उक्लनेछ ।
