— टोटनहमले आफ्नो खराब प्रदर्शनको क्रमलाई तोड्दै लयमा फर्कन आइतबार इंग्लिस प्रिमियर लिगमा न्युकासल युनाइटेडलाई सजिलै ४–१ ले हराएको छ । त्यसमा टोटनहमका लागि रिचार्लिसनले दुई गोल गरे ।
आफ्ना पछिल्ला पाँच खेलमध्ये टोटनहम चारमा पराजित रहेको थियो । यो जितपछि टोटनहम ३० अंकमा पाँचौं स्थानमा रह्यो । आइतबारका अन्य खेलमा म्यानचेस्टर सिटीले लुटन टाउनलाई २–१ ले हरायो भने एभरटन चेल्सीमाथि २–० ले विजयी रह्यो । डिफेन्डिङ च्याम्पियन सिटी ३३ अंकमा चौथो स्थानमा रहेको छ । यस्तै फुहलमले वेस्ट ह्यामलाई सजिलै ५–० ले पराजित गर्यो ।
