— एस्टन भिल्लाले इंग्लिस प्रिमियर लिगमा आर्सनललाई शनिबार १–० ले हराउँदै अंक तालिकको तेस्रो स्थानमा उक्लेको छ । हारले आर्सनलको शीर्षमा फर्कन अवसर भने गुग्यो । भिल्लाका लागि कप्तान जोन म्याकगिनले सातौं मिनेटमा निर्णायक गोल गरे ।
यो जितसँगै भिल्लाको ३५ अंक भएको छ र यो शीर्षमा रहेको लिभरपुलसँग दुई अंकको दूरी हो । यसअघि क्रिस्टल प्यालेसलाई २–१ ले हराएको लिभरपुल ३७ अंकमा पहिलो स्थानमा छ । उसको पछाडि आर्सनल ३६ अंकमा छ ।
शनिबारको अर्को प्रमुख खेलामा म्यानचेसटर युनाइटेड आफ्नै घरमा बर्नमाउथको हातबाट ३–० ले पराजित भयो । यस्तै सेफिल्ड युनाइटेडले ब्रेन्टफोर्डलाई १–० ले हरायो । ब्राइटन र बर्नली तथा उल्भ्स र नटिङ्घम फरेस्टले समान १–१ को बराबरी खेले ।
