— जुड वेलिङघमले आफ्नो उत्कृष्ट लयलाई कायम राख्दै आफ्नो १८ औं खेलमा १६ औं गोल गरे पनि रियल म्याड्रिड शनिबार स्पेनी ला लिगामा रियल बेटिसको हातबाट १–१ को बराबरीमा रोकिएको छ । इंग्लिस मिडफिल्डरले ५३ औं मिनेटमा गोलको खाता खोले ।
तर एटोर रुबलले बराबरी गोल फर्काए । आइतबार जिरोनाले बार्सिलोनाको सामना गर्नेछ र यसको नतिजाले लिग अंक तालिकालाई ठोस आकार दिनेछ ।
रियलको ३९ अंक छ भने एक खेल कम खेलेका जिरोनाको ३८ र बार्सिलोनाको ३४ अंक छ । रियल सोसिडाडले भने अर्को प्रमुख खेलमा भिल्लारियललाई ३–० ले हराएर पाँचौं स्थानमा उक्लिन सफल रह्यो ।
