— पेरिस सेन्ट जर्मेन (पीएसजी) बुधबार बोरुसिया डर्टमन्डलाई १–१ को बराबरीमा रोक्दै युरोपेली च्याम्पियन्स लिगको अन्तिम १६ मा प्रवेश गरेको छ । यसै समूहको अर्को खेलमा एसी मिलानले न्युकासल युनाइटेडलाई २–१ ले हरायो ।
यससँगै इंग्लिस प्रिमियर लिग क्लब प्रतियोगिताबाट बाहिरियो । समूह ‘एफ’ मा एक गोलले पछाडि रहेको स्थितिमा पीएसजीले बराबरी निकालेको हो । उसका लागि जाएरे एमिरीले बराबरी गोल फर्काए ।
समूह ‘ई’ मा शीर्षमा रहेको एटलेटिको म्याड्रिडले लाजियोलाई २–० ले हरायो । दुवै टिम अर्को चरण पुगिसकेका छन् । समूहको अर्को खेलमा सेल्टिकले फायनउडलाई २–१ ले हरायो ।
समूह ‘जी’ मा म्यानचेस्टर सिटीले रेड स्टार बेलग्रेडलाई ३–२ र आरबी लाइपजिगले योङ ब्वाइजलाई २–१ ले हरायो । यस्तै समूह ‘एच’ मा बार्सिलोना रोयल एन्ट्रपसँग ३–२ ले स्तब्ध भयो भने एफसी पोर्टोले साख्तर डोनेस्कमाथि ५–३ को रोमाञ्चक जित निकाल्यो ।
