। फ्रेन्च लिग वानको शीर्ष स्थानका रहेको पेरिस सेन्ट जर्मने (पीएसजी) लिलसँग १-१ को बराबरीमा रोकिएको छ ।
इन्जुरी टाइममा गोल खाएपछि पीएसजीले लिग वानमा लगातार नवौँ जित हात पार्न सकेन ।
केलिएन एमबाप्पेले ६६औ मिनेटमा पेनाल्टीमा गोल गर्दै पीएसजीलाई अग्रता दिलाएका थिए । अन्तिमसम्मा अग्रता कायम राखेपनि पीएसजीले इन्जुरी टाइममा गोल खाएपछि ७ अंकको अग्रता बनाउन चुक्यो ।
लिलका लागि जोनाथान डेभिडले इन्जुरी टाइममा बराबरी गोल गर्दै अंक खोसे ।
बराबरीपछि लिग लिडर पीएसजीको १६ खेलबाट ३७ अंक छ र दोस्रो स्थानको नाइसमाथि ५ अंकको अग्रता छ । समान खेलबाट नाइसको ३२ अंक छ । मोनाको ३० अंकसहित तेस्रोमा छ ।
पीएसजीलाई बराबरीमा रोकेको लिल १६ खेलबाट २८ अंकसहित चौथो स्थानमा छ ।
