। न्युक्यासल युनाइटेडलाई पेनाल्टी सुटआउटमा पराजित गर्दै चेल्सी इएफएल कपको सेमिफाइनलमा प्रवेश गरेको छ ।
बुधबार भएको क्वाटरफाइनलमा चेल्सीले पेनाल्टी सुटआउटमा न्युक्यासललाई ४-२ ले पराजित गरेको हो ।
सुरुमा पछि परेको चेल्सीले हार नजिक पुगेको बेला इन्जुरी टाइममा बराबरी गोल फर्काउँदै खेल पेनाल्टी सुटआउटमा पुर्याएको थियो ।
१६ औं मिनेटमा कलुम विल्सनले गोल गर्दै न्युक्यासललाई अग्रता दिलाएका थिए । तर इन्जुरी टाइममा मिखाइलो मुड्रिकले चेल्सीका लागि बराबरी गोल गरे ।
पेनाल्टी सुटआउटमा चेल्सीका लागि कोल पामर, कोनर गालाघेर, क्रिस्टोफर एनकुन्कु र मुड्रिकले गोल गरेका थिए ।
न्युक्यासलका लागि कलुम विल्सन र ब्रुनो गुइमारेजले मात्र गोल गर्न सके ।
च्याम्पियन्स लिगको समूह चरणबाट बाहिरिएको केही दिनपछि नै न्युक्यासल अर्को प्रतियोगिताबाट निराशाजनक नतिजासहित बाहिरिएको छ ।
