— प्रतियोगिताबाट बाहिरिने डरबाट गुज्रिएको चेल्सीले नाटकीय पुनरागमन गर्दै मंगलबार लिगकपमा न्युकासल युनाइटेडलाई टाइब्रेकरमा हराएर सेमिफाइनल पुगेको छ । सेमिफाइनल पुग्ने अन्य दुई टिममा फुलहम र च्याम्पियसिप टिम मिडल्सब्रो रहेका छन् ।
स्टायनफोर्ड ब्रिजमा भएको खेल १–१ को बराबरीमा रहेपछि चेल्सी पेनाल्टी सुटआउटमा ४–२ ले विजयी रह्यो । फुलहमले पनि एभरटनलाई टाइब्रेकरमै ७–५ पराजित गर्यो । त्यो खेलको निर्धारित समय पनि १–१ कै बराबरीमा रहेको थियो ।
मिडल्सब्रो भने पोर्ट भेलमाथि ३–० को जित निकाल्न सफल रह्यो । अब बुधबारको अन्तिम क्वाटरफाइनलमा लिभरपुलले वेस्ट ह्यामको सामना गर्नेछ ।
