— एस्टन भिल्लाले शुक्रबार इंग्लिस प्रिमियर लिगको शीर्षमा उक्लने अवसर गुमाएको छ । आफ्नो घरेलु मैदानमा भएको खेलमा उसलाई सेफिल्ड युनाइटेडले १–१ को बराबरीमा रोकेको हो ।
क्यामरुन आर्चरले ८८ औं मिनेटमा सेफिल्डका लागि पहिलो गोल गरे । उनलाई भिल्लाले यसै सिजन सेफिल्डलाई बेचेको थियो । सब्स्टिच्युट निकालो जानिओलोले दोस्रो हाफको इन्ज्युरी समयको सातौं मिनेटमा बराबरी गोल गरे ।
यो नतिजापछि भिल्ला १८ खेलबाट ३९ अंकमा दोस्रो स्थानमा रह्यो । शीर्षका आर्सनलको पनि समान ३९ अंक छ र उसले एक खेल कम खेलेको छ । लिभरपुल भने ३८ अंकमा तेस्रो स्थानमा छ ।
