— आर्सनलले इंग्लिस प्रिमियर लिगको शीर्ष स्थानमा रहन शनिबार लिभरपुललाई रोमाञ्चक १–१ को बराबरीमा रोकेको छ । एनफिल्डमा भएको खेल जितेको भए लिभरपुलसामु क्रिसमस अगाडि शीर्ष स्थान कब्जा गर्ने अवसर थियो ।
तर दुवै टिम बराबरीमा एक एक अंकमै सीमित रहे । आर्सनलले ग्याब्रिएलको गोलले अग्रता लिएको थियो । मोहम्मद सलाहले लिभरपुलका लागि बराबरी गोल फर्काए । यो नतिजापछि आर्सनल ४० र लिभरपुल ३९ अंकमा रहे ।
टोटनहमले अर्को खेलमा एभरटनलाई २–१ ले हरायो र ३६ अंकसहित चौथो स्थानमा उक्लिन सफल रह्यो । त्यस अगाडि वेस्ट ह्यामले म्यानचेस्टर युनाइटेडलाई २–० ले हराएको थियो । यससँगै युनाइटेड सन् १९३० यता सबैभन्दा खराव सुरुआतबाट गुज्रिन बाध्य रह्यो ।
अन्य खेलमा बर्नलीले फुलहमलाई २–०, लुटन टाउनले न्युकासल युनाइटेडलाई १–० र बर्नमाउथले नटिङघम फरेस्टलाई ३–१ ले पराजित गर्यो ।
