— आर्सनलले बिहीबार इंग्लिस प्रिमियर लिगको शीर्ष स्थानमा उक्लने अवसर गुमाएको छ । उसलाई वेस्ट ह्यामले २–० ले हराएको हो । अर्को छ गोलको रोमाञ्चक खेलमा पनि टोटनहम ब्राइटनसँग ४–२ ले पराजित रह्यो ।
मिखेल आर्टेटाको आर्सनल लगातार दोस्रो वर्ष क्रिसमसको बेला अंक तालिकाको अगाडि रह्यो । तर टिम अझै पनि पहिलो स्थानमा रहेको लिभरपुल भन्दा दुई अंकले पछाडि छ । लिभरपुलको १९ खेलबाट ४२ अंक छ ।
इमिरेट्समा भएको खेलमा वेस्ट ह्यामका लागि टोमस सोसेक र कोन्सटानटिनोस माभरोपानोसले गोल गरे । ब्राइटनमा टोटनहमले एक समय ४–० ले पछाडि रहेको स्थितिमा दुई गोल फर्काएको हो ।
ब्राइटनका लागि जाओ पेड्रोले पेनाल्टीबाट दुई गोल गरे । यो नतिजापछि टोटनहम ३६ अंकमा पाँचौंमा रह्यो । ब्राइटन भने ३० अंकमा आठौं स्थानमा उक्लिन सफल रह्यो ।
