। विश्वचर्चित के–पप ब्याण्ड ब्ल्याकपिंकको क्रेज नेपालमा समेत छ । ब्याण्ड मेम्बर लिसालाई पछ्याउने नेपाली तन्नेरीको संख्या पनि धेरै छ । यस्तोमा लिसालाई लिएर नयाँ खबर छ ।
ब्याण्डकी कान्छी सदस्य लिसालाई इन्स्टाग्राममा पछ्याउनेको संख्या १० करोड (१०० मिलियन) पुगेको छ । के–पपको इतिहासमा कुनै सेलिब्रिटीलाई सर्वाधिक पछ्याइएको यो पहिलो घटना हो ।
लिसाको नामले चिनिने ललिसा मनोबल थाई र्यापर, गायिका र नर्तक हुन् । उनी दक्षिण कोरियाली युवती ब्याण्ड समूह ब्ल्याकपिंक सदस्यको रुपमा उनले प्रसिद्धिमा पुगिन् । उनले अगस्ट २०१६ मा वाइजी इन्टरटेनमेन्टको ब्यानरमा डेब्यु गरेकी थिइन् ।
डेब्युदेखि नै लिसाले आफ्ना ब्ल्याकपिंकका सदस्यसँगै संगीतको गतिशील संसारमा लगातार उत्कृष्ट प्रदर्शन गरिरहेकी छन् । डिसेम्बर २५ मा लिसाले इन्स्टाग्राममा १० करोड फलोअर्स कमाउने उपलब्धि हासिल गरिन् ।
यो उपलब्धिले लिसालाई यो कीर्तिमान रच्ने पहिलो के–पप कलाकारको रूपमा मात्र स्थापित गर्दैन, बरु यो लोकप्रियता हासिल गर्ने पहिलो एसियाली महिलाको रुपमा पनि चिनाउँछ । यसको अतिरिक्त लिसा इन्स्टाग्राममा १०० मिलियन भन्दा बढी फलोअर कमाउने पहिलो थाई सेलिब्रिटी पनि बनिन् ।
यो उपलब्धिले विश्वव्यापी सनसनीको रूपमा लिसाको स्थितिलाई मात्र होइन, के–पपको व्यापक अपीललाई पनि दर्शाउँछ । सन् २०२३ मा गिनिज बुक अफ वर्ल्ड रेकर्ड्सले लिसालाई के–पपको प्रभावशाली कलाकारको रुपमा समेत मान्यता दिएको थियो ।
सन् २०२३ मा लिसाको सफलता सामाजिक सञ्जालको चर्चाभन्दा धेरै पर छन् । एक ब्याण्डको रुपमा यस वर्ष ब्ल्याकपिंकले स्पोटीफाइमा सर्वाधिक स्ट्रिमिङ हुने कीर्तिमान समेत रच्यो ।
यसका अतिरिक्त लिसाको एकल गीत ‘ललिसा’ले स्पोटीफाइमा एक बिलियनपटक स्ट्रिमिङ प्राप्त गर्ने एकल कलाकारको कीर्तिमान समेत रच्यो ।
