— मोहमद सलाहको दुई गोलमा लिभरपुलले इंग्लिस प्रिमियर लिगमा सोमबार न्युकासललाई ४–२ ले पराजित गरेको छ । एनफिल्डमा प्राप्त यस जितपछि लिभरपुलले शीर्ष स्थानमा तीन अंकको अग्रता लिएको छ ।
न्युकासल आफैं भने अहिले खराव लयमा छ । उसका गोलरक्षक मार्टिन डुब्राभ्काले पहिलो हाफमा सलाहको पेनाल्टीसँगै १० बचाउ नगरेको भए न्युकासलको हार अन्तर अझ धेरै हुने थियो ।
सलाहले पछि दुई गोल गरे भने कर्टिस जोन्स र कोडी गाक्पोले एक-एक गोल थपे । न्युकासल पछिल्ला आठ खेलमध्ये सातमा पराजित रहेको छ । लिगले विन्टर ब्रेक लिन अगाडि लिभरपुललाई म्यानचेस्टर सिटी र आर्सनलमाथि पाँच अंकका अग्रता प्राप्त छ ।
एस्टन भिल्ला भने अनपेक्षित रूपमा दोस्रोमा छ । हारले न्युकासल नवौं स्थानमा रह्यो र यो शीर्ष चारबाट ११ अंकको दूरी रह्यो । घरबाहिर न्युकासलको प्रदर्शन खराव रहेका छ र उसले पछिल्ला यस्ता १० खेलमा पाँचै अंक मात्र बटुलेको छ ।
