: जापानको हानेदा विमानस्थलमा भएको घटनामा पाँच जनाको मृत्यु भएको छ।
जापान एयरलायन्सको जहाज अवतरण गर्ने क्रममा मंगलबार कोस्ट गार्डको विमानसँग ठोक्किएको थियो। जसका कारण जापान एयरलायन्समा भीषण आगलागी भएको थियो। जापान एयरलायन्सका ३७९ यात्रु सकुसल रहे पनि कोस्ट गार्ड विमानमा सवार ५ जनाको मृत्यु भएको छ।
त्यहाँका अधिकारीहरूका अनुसार कोस्ट गार्ड विमानमा ६ जना रहेका थिए। यता जापान एयरलायन्सका १७ जना यात्रु सामान्य घाइते भएको बीबीसीले उल्लेख गरेको छ।
