— ब्राइटनले इंग्लिस प्रिमियर लिगमा मंगलबार वेस्ट ह्यामलाई गोलरहित बराबरीमा रोकेको छ । लन्डन स्टेडियममा भएको खेलमा बराबरी नतिजा निकालेपछि ब्राइटनको २० खेलबाट ३१ अंक भएको छ र सातौं स्थानमा उक्लेको छ ।
वेस्ट ह्याम भने समान खेलबाट ३४ अंका छैटौं स्थानमा छ । वेस्ट ह्यामले आफ्नो घरेलु मैदानमा भएको खेल जितेको भए उसको अर्को सिजन युरोपमा खेल्ने सम्भावना अझ बलियो हुने थियो ।
यस सिजन ब्राइटनले लिगमा क्लिन सिट बनाएको यो नै पहिलो खेल हो । लिभरपुल ४५ अंकसहित लिग तालिकाको शीर्ष स्थानमा छ र उसको पछाडि एस्टन भिल्ला, डिफेन्डिङ च्याम्पियन म्यानचेस्टर सिटी र आर्सनल रहेका छन् ।
