— शीर्ष स्थानमा रहेको रियल म्याड्रिडले स्पेनी ला लिगामा बुधबार मार्लोकामाथि १–० को संघर्षपूर्ण जित निकालेको छ । एन्टोनिओ रुडिगेरले खेलको एक मात्र गोल गरे । यससँगै रियलले आफ्नो अपराजित यात्रा कायम राख्यो ।
सबै प्रतियोगितामा गरेर रियल पछिल्ला १८ खेलमा पराजित छ । बुधबारकै अर्को खेलमा दोस्रोमा रहेको जिरोनाले एटलेटिको म्याड्रिडलाई ४–३ ले हरायो । त्यसमा इभान मार्टिनले दोस्रो हाफको इन्ज्युरी समयमा जिरोनाका लागि निर्णायक गोल गरे ।
अन्य खेलमा ग्रेनेडाले काडिजलाई २–० र सेल्टा भिगोले रियल बेटिसलाई २–१ ले हरायो । रियल र जिरोना दुवै १९ खेलबाट ४८ अंकमा छन् । एटलेटिको भने ३८ अंकमा तेस्रोमा छ । एक खेल कम खेलेको बार्सिलोना ३८ अंकमै चौथो स्थानमा छ ।
