— एफएकप तेस्रो चरणमा क्रिस्टल प्यालेस र एभर्टनले बिहीबार गोलरहित बराबरी खेलेका छन् । अब अर्को चरण प्रवेशका लागि दुवैले ‘रि–प्ले’ खेल्नु पर्नेछ । प्यालेसमा भएको खेलको अन्त्यमा एभरटन दस खेलाडीमा सीमित रहेको थियो ।
उसका स्ट्राइकर डोमिनिक क्लाभर्ट–लेविनलाई विवादास्पद रूपमा रातो कार्ड देखाइएको थियो । ‘भार’ को मद्दतले उनलाई सिधा रातो कार्ड देखाइएको हो । इंग्लिस फरवार्ड क्लाभर्ट–लेविनले पछिल्ला १२ खेलमा कुनै गोल गर्न सकेका छैनन् ।
यसैबीच इटालीको कोपा इटालियाको अन्तिम १६ को चरणमा बिहीबार युभेन्ट्सले सालेरनिटानालाई सजिलै ६–१ को ठूलो अन्तरले पराजित गरेको छ । सुरुमै एक गोलले पछाडि रहे पनि युभेन्ट्स यस जितसँगै प्रतियोगिताको क्वाटरफाइनल पुगेको छ ।
