। प्रिमियर लिग क्लब टोटनहमले जर्मन क्लब आरबी लाइपिजका फरवार्ड टिमो वेर्नरलाई लोनमा अनुबन्ध गर्ने भएको छ ।
चेल्सीका पूर्वखेलाडी समेत रहेका २७ वर्षीय वेर्नरलाई लोनमा भित्र्याउने लण्डन क्लब टोटनहमले सहमति जनाएको हो ।
टोटनहम सामु यस सिजनको अन्त्यमा वेर्नरलाई स्थायी रुपमा अनुबन्ध गर्ने विकल्प समेत छ ।
वेर्नर मेडिकलका लागि लण्डन जानेछन् । उनलको यस सिजनको बाँकी समयमको पारिश्रमिक टोटनहमले बेहोर्नेछ ।
वेर्नरले यसअघि चेल्सीबाट प्रिमियर लिग खेलेको अनुभव छ । उनी सन् २०२० मा आरबी लाइपजिगबाट चेल्सी पुगेका थिए ।
जर्मन फरवार्डले २०२२ मा लाइपजिग फर्कनुअघि चेल्सीका लागि ८९ खेलमा २३ गोल गरेका थिए ।
यस सिजन बुण्डेसलिगामा वेर्नर १४ खेल खेल्दै दुई गोल गरेका छन् ।
लाइपजिगका प्रशिक्षक मार्को रोसले परवार्ड वेर्नर लोनमा लण्डन क्लब जान लागेको पुष्टि गरे ।
वेर्नरले जर्मनीका लागि ५७ खेल खेलेका छन् । कप्तान हेउन मिन सन दक्षिण कोरियाबाट एसियन कप खेल्न जानु र जेम्स म्याडिसन चोटका कारण मैदान बाहिर रहेपछि टोटनहमले फरवार्ड लाइन बलियो बनाउन विकल्प खोजेको थियो ।
टोटनहमले आगामी आइतबार प्रिमियर लिगमा म्यान युनाइटेडसँग खेल्दैछ ।
