— चेल्सीले एफ एक कपको चौथो चरणमा आफ्नो स्थान सुरक्षित गरेको छ । यसका लागि प्रिमियर लिग क्लबले शनिबारको खेलमा च्याम्पियनसिप प्रतिद्वन्द्वी प्रिस्टनलाई सजिलै ४–० ले हरायो ।
त्यसमा आरमन्डो ब्रोजो, थिएगो सिल्भा, रहिम स्टर्लिङ र एन्जो फर्नान्डेजले गोल गरे ।
यी चारै गोल दोस्रो हाफमा भएका थिए । अर्को प्रिमियर लिग क्लब न्युकासल युनाइटेडले सन्डरल्यान्डलाई ३–० ले हरायो । खराव लयबाट गुज्रिरहेको न्युकासलका लागि यो राहतपूर्ण जित रह्यो र यसका लागि एलेक्जान्डर इसाकले दुई गोल गरे ।
यस्तै लयमा रहेको एस्टन भिल्लाले भने मिडल्ब्रोलाई १–० ले हरायो । अन्य खेलमा बर्नमाउथले क्यूपीआरलाई र लेस्टर सिटीले मिलवाललाई समान ३–२ ले हरायो ।
