— डुसान भ्लाहोभिचको निर्णायक गोलको मद्दतले युभेन्ट्सले आइतबार दस खेलाडीमा सीमित सालेरनिटानालाई २–१ ले पराजित गरेको छ । त्यससँग इटालीको सिरी ए मा उसले शीर्षमा रहेको इन्टर मिलानसँगको दूरी दुई अंकमा कायम राख्यो ।
इन्टरको १९ खेलबाट ४८ अंक छ भने युभेन्ट्सको समान खेलबाट ४६ अंक भएको छ । अर्को खेलमा खराव समयबाट गुज्रिरहेको नेपोली टुरिनोको हातबाट ३–० ले पराजित रह्यो ।
यो हारले डिफेन्डिङ च्याम्पियन नवौं स्थानमा रह्यो । उसको १९ खेलबाट २८ अंक मात्र रहेको छ । एएस रोमा र एटलान्टाबीचको खेल भने १–१ को बराबरीमा समाप्त भयो ।
