— लिभरपुल आर्सनलको चुनौती २–० ले समाप्त पार्दै आइतबार एफएकपको चौथो चरणमा प्रवेश गरेको छ । खेलको अन्त्यतिर सम्भव दुई गोलको मद्दतले लिभरपुलले इमिरेट्समा यो सुखद नतिजा निकालेको हो ।
खेल सकिन १० मिनेट अगाडि लिभरपुलले पोलिस डिफेन्डर जाकुब किविरको आत्मघाती गोलले अग्रता लिएको थियो । दोस्रो हाफको इन्ज्युरी समयमा लुइसले दोस्रो गोल थपे । लिभरपुलले आर्सनललाई एफएकपमा हराएको यो सन् २००१ यता पहिलो हो ।
आइतबारकै अर्को खेलमा चोटबाट मुक्त हुँदै केनिभ डे ब्रुएना मैदानमा फर्के र म्यानचेस्टर सिटीले हडर्सफिल्डलाई सजिलै ५–० ले हरायो । फिल फोडनले दुई गोल गरे ।
अन्य खेलमा लुटन टाउनले बोल्टनसँग गोलरहित बराबरी खेल्यो भने नटिङघम फरेस्ट र ब्ल्याकपुलबीचको खेल २–२ को बराबरीमा टुंगियो । यस्तै वेस्ट ह्यामले पनि ब्रिस्टलसँग १–१ को बराबरीमा चित्त बुझायो ।
