— नेपालको कृषि, पर्यटन, जलविद्युत् र सूचना प्रविधिमा लगानी गर्न भारतीय लगानीकर्तालाई अर्थमन्त्री प्रकाशशरण महतले आग्रह गरेका छन् । लगानीका विविध क्षेत्रमध्ये कृषि, पर्यटन, जलविद्युत् र सूचना प्रविधिमा उच्च प्रतिफलको सम्भावना रहेकाले ढुक्क भएर लगानी गर्न अर्थमन्त्री महतले आग्रह गरेका हुन् ।
‘लगानीका हिसाबले यी क्षेत्रमा मुख्य आकर्षण भए पनि शिक्षा, स्वास्थ्यलगायत क्षेत्रमा समेत लगानी गर्दा उत्कृष्ट प्रतिफल प्राप्त हुन सक्छ,’ नेपाल–भारत संयुक्त बिजनेस फोरममा सोमबार अर्थमन्त्री महतले भने, ‘यी क्षेत्रमा लगानी गरेर आफ्ना अन्य साथीलाई समेत नेपालबारे जानकारी दिनुस् ।’
नेपालको ५० प्रतिशतभन्दा धेरै क्षेत्रफल उच्च पहाडी क्षेत्रअन्तर्गत पर्छ । २० प्रतिशतमा समथर भूभाग छ, बाँकी क्षेत्र हिमाली पर्ने अर्थमन्त्रीले बताए । ‘जलविद्युत् क्षेत्रमा नेपालले फड्को मारेको र भारतले १० हजार मेगावाट खरिद गर्ने सम्झौता गरेको अवस्थामा अन्य वस्तुको निर्यातमापनि निजी क्षेत्रले ध्यान दिनुपर्ने अर्थमन्त्रीको भनाइ छ ।
