— रियल म्याड्रिडले अतिरिक्त समयको खेलमा एटलेटिको म्याड्रिडलाई ५–३ ले पराजित गर्दै बुधबार स्पेनी सुपरकपको फाइनलमा प्रवेश गरेको छ । साउदी अरेबियामा भएको खेलको निर्धारित समयको खेल ३–३ को बराबरीमा रहेको थियो ।
प्रतिस्पर्धा पेनाल्टीतर्फ अग्रसर भइरहेको बेला अतिरिक्त समयको खेलमा एटलेटिकोको स्टेफान सेभिचले आत्मघाती गोल गरे र रियल अगाडि रह्यो । त्यसपछि ब्राहिम डियाजले रियलका लागि पाँचौं गोल गरे ।
फाइनल आइतबार हुनेछ र त्यस अगाडि बिहीबारको दोस्रो सेमिफाइनलमा बार्सिलोना र ओसासुनाले खेल्दैछन् । रियल पछिल्ला २० खेलमा अपराजित रहेको छ ।
