— लिभरपुलले दोस्रो हाफमा गरेको दुई गोलमा कमब्याक गर्दै बुधबार फुलहमलाई २–१ ले हराएको छ । जितसँगै लिभरपुल लिगकप सेमिफाइनल पहिलो लेगमा एक गोलले अगाडि रहन सफल रह्यो ।
फुलहमले विलियनको गोलले पहिलो हाफमा अग्रता लिएयता कर्टिस जोन्सले ६८ औं मिनेटमा बराबरी गोल फर्काए । खेलको ७१ औं मिनेटमा कोडी गाक्पोले विजयी गोल गरे । एनफिल्डमा यस सिजन लिभरपुल १६ खेलमा अपराजित रहेको छ र त्यसमध्ये १४ मा विजयी रहेको छ ।
अब सेमिफाइनल दोस्रो लेग जनवरी २४ मा फुलहमको घर कारभेन कटेजमा हुनेछ र त्यसमा लिभरपुल अहिले प्राप्त अग्रतालाई कायम राख्ने उद्देश्यमा हुनेछ ।
