— डिफेन्डिङ च्याम्पियन तथा आयोजक देश कतारले एसियन कप २०२३ मा शुक्रबार सजिलो विजयी सुरुआत लिएको छ । उसले लेवनानलाई ३–० ले पराजित गरेको हो । सन् २०२२ को विश्वकप आयोजक पनि रहेको कतारलाई अक्रम आफिफले पहिलो हाफको अन्त्यतिर गोल गर्दै अग्रता दिलाए ।
दोस्रो हाफ सुरु भएयता अलमोज अलिले कतारको अग्रता दोब्बर बनाए भने तेस्रो गोल फेरि आफिफकै नाममा रह्यो । लुसिल स्टेडियममा भएको खेल ८० हजार समर्थकले भरिएको थियो । तर उनीहरू अन्त्यसम्म भने कायम रहेनन् । कतारले गत महिना मात्रै आफ्ना प्रशिक्षक कार्लोस क्वरेजलाई बर्खास्त गरेको थियो ।
उनको स्थानमा टिनटिन मारक्वेजले टिमको जिम्मेवारी सम्हालेका थिए । सन् २०१९ मा कतारले जापानलाई स्तब्ध पार्दै पहिलो पटक एसियन कप जितेको थियो । कतार तेस्रो पल्ट मात्रै एसियन कप खेल्दैछ । विश्वकपमा भने कतारको प्रदर्शन राम्रो रहेन् र लिग चरणका सबै तीनै खेल गुमाएर प्रतियोगिताबाट बाहिरिएको थियो ।
