— इन्टर मिलानले इटालीको सिरी ए मा आफ्नो स्थिति अझ मजबुत बनाउने क्रममा शनिबार मोन्जालाई ५–१ ले हराएको छ । यससँगै शीर्ष स्थानमा इन्टरले पाँच अंकको ठोस अग्रता पनि लिएको छ ।
इन्टरको यो जितमा हाकान चाल्हानोलुले दुई गोल गरे । उसको २० खेलबाट ५१ अंक भएको छ । युभेन्ट्स ४६ अंकमा दोस्रो स्थानमा रहेको छ । शनिबारकै अर्को खेलमा नेपोलीले सालेरनिटानालाई २–१ ले हरायो ।
आमिर राहमानीले दोस्रो हाफको इन्ज्युरी समयमा नेपोलीका लागि निर्णायक गोल गरे र डिफेन्डिङ च्याम्पियन छैटौं स्थानमा उक्लेको छ । नेपोली इन्टरसँग २० अंकले पछाडि रहेको छ ।
