— टोटनहमले दुई पल्ट पुनरागमन रचेपछि म्यानचेस्टर युनाइटेडले इंग्लिस प्रिमियर लिगमा आइतबार रोमाञ्चक २–२ को बराबरी खेलेको छ । ओल्ड ट्रायफोर्डमा युनाइटेडले दुई पल्ट अग्रता लिए पनि त्यसलाई कायम राख्न सकेन ।
रासमस होजलउन्डले युनाइटेडलाई सुरुआती अग्रता दिलाएपछि रिचार्लिसनले बराबरी गोल गरे । मार्कस रसफोर्डले युनाइटेडलाई फेरि अग्रता दिलाएपनि रोड्रिगो बेन्टकरले बराबरी गोल फर्काए ।
यो नतिजापछि टोटनहम ४० अंकमा पाँचौंमा रह्यो भने युनाइटेड ३२ अंकमा सातौंमा छ । आइतबारकै अर्को खेलमा एभरटन र एस्टन भिल्लाले गोलरहित बराबरी खेले ।
